Feeds:
Athugasemdir

Archive for the ‘Berlín’ Category

Þessi vetur var einstaklega mildur hér í Berlín. Það fór ekki mikið fyrir Síberíukuldanum þetta árið, bara rúm vika í janúar þar sem hann fór niður fyrir -10°. Undanfarið hefur verið mjög milt og náttúran hefur nýtt sér það til fulls. Vorið er í þann veginn að springa út með öllum sínum páskaliljum, túlípönum og kirsuberjablómum.

Á þessum tíma árs fæ ég yfirleitt þá flugi í höfuðið að ég verði að rækta eins mikið grænmeti og ég mögulega get. Síðustu tvö sumur höfum við farið til Íslands í lengri tíma og því hef ég afskrifað allar ræktunartilraunir hér ytra. Í ár ætlum við hins vegar að eyða sumrinu hér í Berlín og þá fór ræktunarþráhyggjan á flug fyrir alvöru.

Ég bý hins vegar við töluvert hamalandi aðstæður. Möguleikar til ræktunar eru eiginlega öngvir fyrir utan gluggakistur. Þó svo að það sé stórkostlegur og risastór sameiginlegur garður bak við húsaröðina okkar þá má ekki plægja upp jarðveginn og breyta garðinum í eina alls herjar Edensmynd. Planið er því að láta gluggakistur duga og kannski kem ég nokkrum kössum fyrir útí garði ef ég er alvega að fara yfirum. Reyndar komst ég yfir gamlan strigapoka frá þýska póstinum og er að plana að fylla hann að mold og setja niður nokkrar kartöflur.

Ég hef hins vegar kannað málið og það lítur út fyrir að þetta takmarkaða rými til ræktunar komi því ekki til að með að trufla mig nema… að takmörkðuð leiti. Í gluggakistum verða kryddjurtir, salat, tómatar og chiliplöntur. Í kössunum gæti ég svo plantað  baunum og ertum, fleiri tómötum, zucchini, kartöflum, radísum, eggaldin og gulrætum. Kannski að ég stingi nokkrum maísplöntum niður á góða staði í blómabeðin. Ef þetta gengur upp ætti ég að vera nokkuð vel settur í haust. Sjáum til. Eitt er víst að ég mun dókúmentera þennan prósess eins vel og ég get og kaffæra ykkur, kæru lesendur, með sögum af sigrum og sorgum í þessum tilfinningalega rússibana sem þetta óumdeilanlega verður. Hana.

ræktun-gluggakistukrydd

Salvía, óreganó, sítrónutimían og skellótt timían teygir anga mót sólu í glugganum. Kryddinu verður síðan komið fyrir úti þegar hlýnar örlítið meir.

Auglýsingar

Read Full Post »

markthalleBW3

Berlin er án efa höfuðborg konseptsins. Hér er gríðarlegur fjöldi af konseptvæddum sjoppum, búðum og mörkuðum og það virðist vera endalaust pláss fyrir nýjar hugmyndir. Einn nýjasti og ferkasti markaður bæjarins er í Markthalle Neun í Kreuzberg og fellur hann eins flís við rass í þessari konseptþoku sem umlykur allt. Þarna ber mest á tilraunamennsku ungra framleiðenda sem leggja áherslu á lókal matvæli og samspil hefðar og nýjungagirni. Framleiðendur eru ekki hræddir við að gera tilraunir og prófa nýja hluti, þarna er hægt að finna áhugaverða osta, nýja þýska bjóra og reyktar kjötvörur sem eru undir áhrifum frá bandarískri BBQ menningu. Og auðvitað ferkst grænmeti og ávexti frá nærsveitunum. Aðalsmerki markaðarins er hins vegar hversu ljúflega hipsteravæðingin rennur  saman við fjölmenningarsamfélagið á þessum markaði og stemmningin eftir því. Þessi markaður er einfaldlega mjög töff.

markthalleBW1 markthalleBW4

Á föstudögum og laugardögum eru venjulegur matarmarkaður í Markthalle Neun en á fimmtudögum gefur konseptið í botn og þá er haldinn Street Food Thursday milli 17 og 22. Gamli innimarkaðurinn breytist þá í paradís skyndibitaáhugamannsins þar sem hægt er að gæða sér á ódýrum og djúsi hágæðaskyndibita beint frá hjarta fjölmenningarinnar. Hægt er að fá sér allt frá almennilegum Thüringer Bratwurst yfir í hráfæðis salatvefjur og gufusoðnar og fylltar víetnamskar deigbollur. Vinsælasti standurinn kvöldið sem við fjölskyldan gerðum okkur ferð niðreftir var klárlega hægelduð og vel grilluð BBQ svínarif en við nenntum ekki að láta krakkana bíða eftir því og skelltum okkur í staðinn á jamaíkanskan jerk kjúkling. Sáum við ekki eftir þeirri ákvörðun, þvert á móti. Eftir jamaíka var það svo vietnamskir hamborgarar og guacamole frá Mexikó með rótsterkri salsa.

markthalleBW5 markthalleBW7

Stemmningin varð betri og hressari eftir því sem leið á kvöldið. Salurinn fylltist fljótlega og það var augljóst að fólk var að gíra sig upp í fimmtudagsdjammið með frábærum skyndibita. Við héldum hins vegar bara heim á leið með krakkana, södd og sæl og ákveðin að koma aftur við fyrsta tækifæri.

markthalleBW2 markthalleBW6

Read Full Post »

Í fyrrasumar rakst ég á stórt og stæðilegt plómutré við lestarstöðina hjá Treptower Park. Týndum við nokkrar plómur, eins margar og við gátum og tókum með heim. Plómurnar voru litlar, rétt aðeins stærri en kirsuber, en ótrúlega sætar og safaríkar, með smá ananaskeim. Í ár ákváðum við að gera okkur sérstaka ferð í garðinn til þess eins að týna plómur og vorum því heldur betur búnari en síðast, þ.e með poka. Þrátt fyrir að flestar plómunar hafi átt töluvert í að verða full þroskaðar, þá náðum við að týna rúmlega 4 kíló á 10 mínútum. Og það eru að minnsta kosti 25 kíló í viðbót eftir fyrir svanga.

bakaðarplómur1

Um kvöldið vorum við með 17 manna matarboð og því ekki úr vegi að nota fenginn í eftirréttinn. Við ákváðum að gera eitthvað tiltölulega einfalt og því var ákveðið að baka plómurnar og bera fram með ís. Til að gefa þeim smá kikk helltum við vænm slurk af ljósdökku rommi yfir, smá lime ásamt vanillistöng. Útkoman var vægast sagt fullorðins og almennileg, kannski aðeins og áfeng fyrir börnin en þau voru sátt við ísinn.

bakaðarplómur3

Svo er bara að reyna að finna not fyrir restina. Plómu tart tartin í sunnudagsbrönsinn? Það held ég.

bakaðarplómur5

Bakaðar plómur með rommi, lime og vanillu (fyrir 6-8)

1 kíló plómur

 

4 msk sykur

2 staup romm

Safi úr 1 lime

1 vanillustöng

Plómurnar skolaðar og settar eldfast mót. Plómurnar sem við týndum voru svo litlar að við nenntum ekki að standa í því að taka steininn úr. Vanillustöngin klofin og fræin skafin úr. Þau eru sett út í mótið ásamt stönginni og sykrinum. Limesafanum bætt við og romminu skvett yfir allt saman. Bakað við 180° í 20-25 mínútur eða þar til plómurnar fara að springa og sýrópið sýður. Borið fram með vanilluís, krókanthnetum og nóg af sýrópinu.

bakaðarplómur4

Krókanthnetur

1 poki heslihnetur

100 gr sykur

Fyrst þarf að ná hýðinu af hnetunum. Hneturnar settar í ofnskúffu og inn í 180° heitann ofn í 10-15 mínútur. Þá eru þær teknar út og settar á hreint viskastykki sem er svo brotið saman yfir þær. Nuddað og nuddað fram og til baka og þá ætti mest af hýðinu af fara af. Sykurinn hitaður á pönnu á lágum hita þar til hann bráðnar. Ekki hræra og passa að hann brenni ekki. Hnetunum bætt við og hrært hratt og örugglega þannig að þær fá allar góðan sykurshjúp. Sett til hliðar á bökunarpappír til að kólna. Malað í matvinnsluvél. Gerir alla eftirrétti betri.

bakaðarplómur2  bakaðarplómur6

 

 

 

 

 

 

Read Full Post »

tyrkjamarkt4

Á hverjum þriðjudegi og fóstudegi er haldinn markaður á Maybachufer í Kreuzberg. Einhvern tímann var því logið að mér að í Berlín, og þá sérstaklega í Kreuzberg og Neuköln, væri stærsta samfélag Tyrkja utan Tyrklands. Ég sel það ekki dýrara en ég keypti en markaðurinn á Maybachufer er nú samt sem áður stílaður inn á þetta samfélag og er í daglegu tali kallaður Tyrkneski markaðurinn.

tyrkjamarkt1

tyrkjamarkt6

Markaðurinn er frekar stór, mikið fólk og mikið líf. Hér eru engar Currywurst, lítið um Sekt-standa og fáir krúttlegir bio-bændur. Á markaðnum stigur maður inn í annan heim, heim innan heims, og það mið-asískan. Tyrkneskar matarhefðir og hráefni er allsráðandi í bland við léreft og rennilása, potta og uppþvottabusta og hása Kreuzbergtyrki með sín endalausu ‘bittschön’ og ‘ein-kilo-ein-euro’. Hér er gaman að versla og oft á tíðum hræódýrt. Maður verður hins vegar að vera meðvitaður um það að það eru ekki alltaf bestu lífrænu og lókal tómatarnir sem seldir eru á undir 1 evru á kílóið. Hins vegar er oft boðið upp á heilu brettastæðurnar af vörum sem ekki standast fáránlega útlitsstandarda matvörurisanna og yrði annars hent þrátt fyrir að ástand þeirra sé að örðu leiti mjög gott. Það er því vel hægt að koma heim með mörg kíló af mat fyrir minna en 10 evrur.

tyrkjamarkt2

Á markaðnum er um að gera að byrgja sig upp af kryddum og þurrkuðum ávöxtum og hentum. Úrvalið af ólífum er einnig ótrúlega gott og gæðin líka og ég tek alltaf með mér fullt box af stórum grískum kalamata ólívum heim sem sjaldnast komast alla leiðina heldur eru borðaðar í U-bahnum. Hægt er að fá alvöru Halumi ost, frábær grillaður, grískan feta og endalaust úrval af smurostum hrærðum saman við ólíkar kryddblöndur og chili.

tyrkjamarkt5

Eftir vel heppnuð innkaup er gott að setjast niður við kanalinn og gæða sér á gözleme, heitri vefju með fetaosti, tómötum og rúkóla, eða fá sér fáránlega sæta tulumba deigbolta og sterkt kaffi. Svo er haldið heim og reynt að átta sig á því hvað maður á að gera við kíló af beygluðum agúrkum.

tyrkjamarkt3

Read Full Post »